आल्याचा (आलं ) आहारात आणि आजारात उपयोग केल्याने अनेक चमत्कारिक फायदे होतात. त्यापैकी आलं हे शरीरातील रोगप्रतिकार शक्ती वाढवण्यासाठी चांगल्याप्रकारे मदत करते. तसेच इतर ही आजारांवर आलं रामबाण उपाय म्हणून काम करते.
भारतीय किचनमध्ये नव्हे तर, जगात सर्वच देशात आल्याला किचनमध्ये महत्वाचे स्थान आहे. जेवणाला चव आणण्यासाठी सर्वच गृहिण्या आल्याच्या पेस्टला प्रथम प्राधान्य देतात. परंतु आल्याचे किचन शिवाय इतर ही चमत्कारिक फायदे आहेत, ते आपण सविस्तर जाणून घेऊया.
आल्याचे चमत्कारिक फायदे
१. पचन सुधारते
आलं पचनक्रियेला सुधारते. अपचन, गॅस, पोटफुगी, पोटदुखी यांसारख्या समस्यांवर आलं उपयुक्त आहे. त्यातील जिंजरॉल घटक आतड्यांच्या कार्याला सुधारणा करतो.
जर पोट दुखत असेल तर, आलं, पुदिन्याचा रस आणि सैंधव मीठ मिसळून घ्या. यामुळे पोट दुखी थांबेल.
२. प्रतिरोधक शक्ती वाढवते
आलं हे शरीरातील रोगप्रतिकारक शक्ती वाढवण्यासाठी उपयोगी आहे. सर्दी, खोकला, आणि व्हायरल संसर्गांपासून बचाव करण्यात मदत होते.
३. वायुविकारांवर उपाय
आलं शरीरातील वायू कमी करते. जेवणानंतर आलं खाल्ल्यास वायुविकार आणि पोटदुखीपासून आराम मिळतो.
४. दाह कमी करते
आलं हे नैसर्गिक दाहशामक असल्याने सांधेदुखी, स्नायूदुखी यांसारख्या वेदनांवर उपयोगी आहे.
५. हृदयासाठी फायदेशीर
आलं रक्तवाहिन्यांचे आरोग्य चांगले ठेवते. कोलेस्टेरॉल कमी करण्यात मदत होते आणि हृदयविकाराचा धोका कमी होतो.
६. रक्तदाब नियंत्रित करते
आलं रक्तदाब कमी करण्यासाठी उपयुक्त आहे. त्यातील घटक रक्तप्रवाह सुरळीत ठेवतात.
७. मधुमेहावर नियंत्रण
आलं रक्तातील साखरेचे प्रमाण नियंत्रित ठेवण्यास मदत करते. त्यामुळे मधुमेहाच्या रुग्णांसाठी फायदेशीर ठरते.
८. ताण-तणाव कमी करते
आलं नैसर्गिक आरामाचे कार्य करते. त्यामुळे तणाव, डोकेदुखी किंवा थकवा यावर आराम मिळतो.
९. कर्करोगाविरोधी गुणधर्म
संशोधनातून असे दिसून आले आहे कि आलं काही प्रकारच्या कर्करोगाच्या पेशींविरुद्ध लढण्याची क्षमता ठेवते.
त्यातील अँटीऑक्सिडंट्स कर्करोगाची वाढ कमी करतात.
१०. तोंडाचा तजेला राखतो
आलं तोंडातील वास कमी करण्यासाठी उपयुक्त आहे. त्याचा नियमित उपयोग हिरड्या आणि दातांच्या आरोग्यासाठी फायदेशीर आहे.
११. खोकला बरा होण्यासाठी
आल्याचा रस, लिंबाचा रस आणि मध समप्रमाणात घेतल्याने खोकला कमी होण्यास मदत मिळते.
१२. बद्धकोष्टता
आलं, ओवा आणि गुळ समप्रमाणात एकत्र करा. हे मिश्रण तुपात परतून पाण्यामध्ये शिजवा. तयार केलेला पदार्थ निमितपणे सेवन केल्याने बद्धकोष्टतेची समस्या दूर होते.
१३. भूक न लागणे
भूक व्यवस्थित लागत नसेल, पोटात गॅस निर्माण होत असेल तर आलं बारीक चिरा, मीठ भूरभुरून खा. यातून नक्कीच आराम मिळेल.
१४. हिरड्यांना सूज
चार ग्रॅम सुंठीचे चूर्ण पाण्याबरोबर सेवन करण्याने हिरड्यांना आलेली सूज आणि दातांच्या वेदना दूर होतात.
१५. आवाज बसणे
आल्याचा रस मधात मिसळून सेवन करण्याने बसलेला आवाज मोकळा होतो.
१६. ताप
आलं आणि पुदिन्याचा काढा बनवून प्या. हे शांत ज्वरात अतिशय फायदेशीर ठरते.
१७. अशक्तपणा
सुंठ , बेलाची बी, छोटी वेलची, दालचिनी समप्रमाणात वाटून घ्या. तयार केलेले मिश्रण दररोज संध्याकाळी दुधात प्रमाणात मिसळून पिण्याने अशक्तपणा दूर होतो.
आलं आहारात समाविष्ट करण्याचे काही फायदे
१. आल्याचा चहा सर्दी-खोकल्यावर उत्कृष्ट उपाय.२. जेवणात आलं भाज्या, सूप किंवा रस्सा तयार करताना आलं वापरा.
३. आल्याचा रस मधात मिसळून दररोज घ्या.
४. आल्याची पावडर शेकांमध्ये किंवा गोड पदार्थांत घालता येते.
सावधानता
१. अतिप्रमाणात आलं खाल्ल्यास पित्ताचा त्रास होऊ शकतो.
२. गर्भवती स्त्रियांनी वैद्यकीय सल्ल्यानुसार आल्याचे सेवन करावे.
आलं तुमच्या / आपल्या आहारात नियमित समाविष्ट केल्यास शरीराच्या अनेक समस्या दूर होऊन मदत मिळेल. तसेच आहारात आणि इतर कामात आल्याचा उपयोग करताना मर्यादित असावा. अतिवापर हा कधीही चुकीचा. योग्यप्रमाणात याचा उपयोग केल्यास तुम्हाला आरोग्याच्या दृष्टीने वरदान ठरेल.
तसेच अधिक वाचा
दही आरोग्य आणि सौंदर्यासाठी मदत करते
शरीरावर परिणाम करणारा अपचनाचा त्रास व उपाय
चांगली झोप येण्यासाठी हे उपाय करुन बघा
